Archwiliad

Cynnwys

Ynglŷn â'r cam archwilio

Y cam archwilio yw lle mae'r Awdurdod Archwilio yn edrych ar y prosiect arfaethedig ac yn gofyn cwestiynau.

Gall yr ymgeisydd, unrhyw un sydd wedi cofrestru i leisio'i farn, cyrff swyddogol a phobl yr effeithir ar eu tir yn uniongyrchol wneud sylwadau ar y datblygiad arfaethedig neu ateb unrhyw un o'r cwestiynau erbyn pob terfyn amser.

Gwneir hyn yn ysgrifenedig fel arfer. Bydd yr Awdurdod Archwilio'n cyhoeddi ei gwestiynau ar yr adegau a nodir yn amserlen yr archwiliad. Gallai'r archwiliad gynnwys gwrandawiadau hefyd os oes materion y mae angen eu trafod yn fanwl.

Mae'r cam hwn yn cymryd hyd at 6 mis.

Beth fydd yn digwydd yn ystod y cam archwilio

Y cam archwilio yw'r adeg pan fydd yr Awdurdod Archwilio'n ystyried y datblygiad arfaethedig ac yn gofyn cwestiynau.

Gallwch anfon eich sylwadau trwy lenwi'r ffurflen ar-lein yn adran y prosiect ar y wefan hon.

Gall unrhyw un sy'n cael trafferth defnyddio gwasanaethau ar-lein anfon gwybodaeth atom drwy e-bost neu'r post. Mae'r wybodaeth am y prosiect yn adran y prosiect ar y wefan hon yn cynnwys manylion cyswllt ar gyfer tîm achos y prosiect.

Pan fyddwch wedi cofrestru i leisio'ch barn, fe allwch:

• wneud sylwadau ar y datblygiad arfaethedig
• siarad mewn gwrandawiadau
• mynychu archwiliad safle gyda chwmni

Bydd angen i chi gofrestru i leisio'ch barn er mwyn i'ch sylwadau gael eu hystyried.

Rhoddir rhif cyfeirnod i chi pan fyddwch yn cofrestru. Mae'n rhaid i chi ddefnyddio'r rhif hwn wrth gyflwyno sylwadau.

I gael gwybod mwy, darllenwch ein canllaw ar leisio'ch barn ynglŷn â phrosiect seilwaith cenedlaethol.

Os ydych wedi methu'r dyddiad cau i gofrestru

Gallwch edrych ar y wybodaeth am y prosiect ond ni allwch gyflwyno sylw.

Os ydych wedi ennill buddiant yn ddiweddar mewn tir y mae datblygiad yn effeithio arno

Gallwch gysylltu â thîm y prosiect os nad oedd y datblygwr wedi dweud wrthych fod y cais wedi cael ei dderbyn neu os nad oeddech wedi cofrestru i leisio'ch barn. Bydd tîm y prosiect yn gofyn i'r Awdurdod Archwilio a allwch fod yn Barti â Buddiant a lleisio'ch barn.

Mae cyfeiriad e-bost tîm y prosiect ar gael yn yr adran cysylltu â ni ar dudalen y prosiect.

Rhagor o wybodaeth

Bydd yr holl fanylion am y prosiect, gan gynnwys dogfennau, cwestiynau, sylwadau ac unrhyw gyngor a roddwyd, yn cael eu cyhoeddi ar y dudalen gwybodaeth am y prosiect.

Gallwch hefyd ddarllen y gyfres lawn o tudalennau cyngor technegol.

Nesaf Argymhelliad

Rhan o Y broses ar gyfer Prosiectau Seilwaith o Arwyddocâd Cenedlaethol (NSIPau)

1. 1 Cyn-ymgeisio

   Dyma'r adeg pan fydd yr ymgeisydd yn dechrau creu ei gais. Mae'n ofynnol i'r ymgeisydd ymgynghori â phobl a sefydliadau yn yr ardal. Mae'n rhaid iddo hefyd greu dogfennau manwl ynglŷn â'r effaith y gallai'r prosiect ei chael ar yr amgylchedd.

   Mae'n bwysig cymryd rhan yn ystod y cam hwn er mwyn dylanwadu ar y cais cyn i'r ymgeisydd ei anfon at yr Arolygiaeth Gynllunio.

   1. Dysgwch beth allwch chi ei wneud yn ystod y cam hwn a gwiriwch ein canllawiau manwl.

2. 2 Derbyn

   Dyma'r adeg pan fydd yr ymgeisydd yn anfon ei ddogfennau cais atom. Byddwn yn gwirio a allwn dderbyn y cais i'w archwilio. Mae gennym 28 niwrnod i wneud y penderfyniad hwn.

   1. Sut mae'r cam derbyn yn gweithio a beth fydd yn digwydd nesaf.

3. 3 Cyn-archwilio

   Penodir Awdurdod Archwilio sy'n cynnwys un neu fwy o arolygwyr. Mae'n rhaid i unrhyw un sydd eisiau lleisio'i farn allu cofrestru yn ystod y cam hwn.

   Mae'n rhaid i'r ymgeisydd gyhoeddi bod y cais wedi cael ei dderbyn gennym. Bydd yn cynnwys pryd a sut y gall partïon gofrestru i gymryd rhan. Mae'r cyfnod ar gyfer cofrestru'n cael ei osod gan yr ymgeisydd, ond mae'n rhaid iddo beidio â bod yn llai na 28 niwrnod.

   Mae'r cam cyn-archwilio'n cymryd oddeutu 3 mis fel arfer.

   1. Beth sy'n digwydd yn ystod y cam cyn-archwilio.

4. 4 Archwiliad

   Bydd yr Awdurdod Archwilio'n gofyn cwestiynau am y datblygiad arfaethedig. Gall yr ymgeisydd ac unrhyw un sydd wedi cofrestru i leisio'i farn gymryd rhan a chyflwyno sylwadau erbyn pob terfyn amser yn yr amserlen. Gallwch hefyd fynychu gwrandawiadau a allai gael eu cynnal. Mae'r cam hwn yn cymryd hyd at 6 mis.

   1. Beth sy'n digwydd yn ystod y cam archwilio?

5. 5 Argymhelliad

   Mae'r Awdurdod Archwilio'n ysgrifennu ei adroddiad argymhelliad. Mae'n rhaid i hwn gael ei gwblhau a'i anfon at yr Ysgrifennydd Gwladol perthnasol o fewn 3 mis o ddiwedd y cam archwilio.

   1. Gwneud argymhelliad.

6. 6 Penderfyniad

   Y cam penderfynu yw'r adeg pan fydd yr Ysgrifennydd Gwladol perthnasol yn adolygu'r adroddiad ac yn gwneud y penderfyniad terfynol. Mae ganddo 3 mis i wneud penderfyniad.

   1. Pwy sy'n gwneud y penderfyniad terfynol.

7. 7 Beth sy'n digwydd ar ôl i'r penderfyniad gael ei wneud

   Pan fydd yr Ysgrifennydd Gwladol wedi gwneud penderfyniad, gellir cyflwyno heriau i'r Uchel Lys. Mae'n rhaid dilyn yr holl weithdrefnau wrth gyflwyno her. Bydd yr Uchel Lys yn penderfynu a oes sail ar gyfer adolygiad barnwrol.

   Mae'n rhaid i hyn ddigwydd o fewn 6 wythnos.

   1. Yr hyn y gallwch ei wneud ar ôl i'r penderfyniad gael ei wneud.