Cyn-ymgeisio

Cynnwys

Y cam cyn-ymgeisio

Cyn i ymgeisydd anfon ei gais ar gyfer datblygiad arfaethedig at yr Arolygiaeth Gynllunio, mae'n rhaid iddo gynnal ymgynghoriad cyhoeddus. Yna, bydd yr adborth hwn yn cael ei ystyried a'i ddefnyddio i helpu i ffurfio'r prosiect arfaethedig. Mae hyn yn digwydd yn ystod y cam cyn-ymgeisio.

Mae'n rhaid i'r ymgeisydd ymgynghori â'r canlynol:

• y cyhoedd
• cynghorau plwyf
• ymgyngoreion statudol
• awdurdodau lleol a chynghorau
• tirfeddianwyr a thenantiaid

Mae'n rhaid iddo ystyried yr holl sylwadau a gwybodaeth gan aelodau o'r cyhoedd a sefydliadau.

Mae'n bwysig iawn cymryd rhan yn ymgynghoriad yr ymgeisydd yn ystod y cam cyn-ymgeisio. Dyma'ch cyfle i ofyn unrhyw gwestiynau a mynegi unrhyw bryderon, a chael gwybod mwy am y datblygiad a sut gallai effeithio ar yr ardal.

Gwiriwch y canllaw ar sut gallwch leisio'ch barn.

Ynglŷn â'r gwasanaeth cyn-ymgeisio ar gyfer ymgeiswyr

Rydym yn cynnig gwasanaeth cyn-ymgeisio i ymgeiswyr sy'n paratoi cais. Mae hwn yn wasanaeth sy'n seiliedig ar ffi. Edrychwch ar ein prosbectws cyn ymgeisio i gael rhagor o wybodaeth am y strwythur ffioedd.

Mae'n cynnwys:

• rhoi cyngor ar sut i baratoi cais
• gwiriadau cyn-cyflwyno ac adolygu dogfennau drafft
• gwirio bod ymgeiswyr wedi dilyn yr holl gamau sy'n ofynnol

Cyngor i awdurdodau lleol yn ystod y cam cyn-ymgeisio

Gallwch ddarllen ein tudalennau cyngor sy'n cynnwys rhagor o wybodaeth am yr hyn y mae angen i chi ei wneud os ydych yn cynrychioli awdurdod lleol.

Cyngor manylach

Os oes arnoch angen cyngor manylach, gallwch gyfeirio at ein tudalennau cyngor i gael rhagor o wybodaeth.

Darllenwch y gyfres lawn o tudalennau cyngor manwl

Nesaf Derbyn

Rhan o Y broses ar gyfer Prosiectau Seilwaith o Arwyddocâd Cenedlaethol (NSIPau)

1. 1 Cyn-ymgeisio

   Dyma'r adeg pan fydd yr ymgeisydd yn dechrau creu ei gais. Mae'n ofynnol i'r ymgeisydd ymgynghori â phobl a sefydliadau yn yr ardal. Mae'n rhaid iddo hefyd greu dogfennau manwl ynglŷn â'r effaith y gallai'r prosiect ei chael ar yr amgylchedd.

   Mae'n bwysig cymryd rhan yn ystod y cam hwn er mwyn dylanwadu ar y cais cyn i'r ymgeisydd ei anfon at yr Arolygiaeth Gynllunio.

   1. Dysgwch beth allwch chi ei wneud yn ystod y cam hwn a gwiriwch ein canllawiau manwl.

2. 2 Derbyn

   Dyma'r adeg pan fydd yr ymgeisydd yn anfon ei ddogfennau cais atom. Byddwn yn gwirio a allwn dderbyn y cais i'w archwilio. Mae gennym 28 niwrnod i wneud y penderfyniad hwn.

   1. Sut mae'r cam derbyn yn gweithio a beth fydd yn digwydd nesaf.

3. 3 Cyn-archwilio

   Penodir Awdurdod Archwilio sy'n cynnwys un neu fwy o arolygwyr. Mae'n rhaid i unrhyw un sydd eisiau lleisio'i farn allu cofrestru yn ystod y cam hwn.

   Mae'n rhaid i'r ymgeisydd gyhoeddi bod y cais wedi cael ei dderbyn gennym. Bydd yn cynnwys pryd a sut y gall partïon gofrestru i gymryd rhan. Mae'r cyfnod ar gyfer cofrestru'n cael ei osod gan yr ymgeisydd, ond mae'n rhaid iddo beidio â bod yn llai na 28 niwrnod.

   Mae'r cam cyn-archwilio'n cymryd oddeutu 3 mis fel arfer.

   1. Beth sy'n digwydd yn ystod y cam cyn-archwilio.

4. 4 Archwiliad

   Bydd yr Awdurdod Archwilio'n gofyn cwestiynau am y datblygiad arfaethedig. Gall yr ymgeisydd ac unrhyw un sydd wedi cofrestru i leisio'i farn gymryd rhan a chyflwyno sylwadau erbyn pob terfyn amser yn yr amserlen. Gallwch hefyd fynychu gwrandawiadau a allai gael eu cynnal. Mae'r cam hwn yn cymryd hyd at 6 mis.

   1. Beth sy'n digwydd yn ystod y cam archwilio?

5. 5 Argymhelliad

   Mae'r Awdurdod Archwilio'n ysgrifennu ei adroddiad argymhelliad. Mae'n rhaid i hwn gael ei gwblhau a'i anfon at yr Ysgrifennydd Gwladol perthnasol o fewn 3 mis o ddiwedd y cam archwilio.

   1. Gwneud argymhelliad.

6. 6 Penderfyniad

   Y cam penderfynu yw'r adeg pan fydd yr Ysgrifennydd Gwladol perthnasol yn adolygu'r adroddiad ac yn gwneud y penderfyniad terfynol. Mae ganddo 3 mis i wneud penderfyniad.

   1. Pwy sy'n gwneud y penderfyniad terfynol.

7. 7 Beth sy'n digwydd ar ôl i'r penderfyniad gael ei wneud

   Pan fydd yr Ysgrifennydd Gwladol wedi gwneud penderfyniad, gellir cyflwyno heriau i'r Uchel Lys. Mae'n rhaid dilyn yr holl weithdrefnau wrth gyflwyno her. Bydd yr Uchel Lys yn penderfynu a oes sail ar gyfer adolygiad barnwrol.

   Mae'n rhaid i hyn ddigwydd o fewn 6 wythnos.

   1. Yr hyn y gallwch ei wneud ar ôl i'r penderfyniad gael ei wneud.